.

Tuni Pasian kammal (Sep 28, 2016)
Tuni LST sim: ‭‭1 Samuel‬ ‭16
Tuni Pasian kammal: ‬ ‭‭‭‭1 Samuel‬ ‭16:7‬

But the Lord said to Samuel, “Do not consider his appearance or his height, for I have rejected him. The Lord does not look at the things people look at. People look at the outward appearance, but the Lord looks at the heart.” (‭NIV‬‬)
Ahi hangin TOPA in Samuel kiangah, "Ama meel ahi-a, a tun sanna ahi zongin ngaihsun kei in amah ka nialsa ahi hi. TOPA in nate mihingte et bangin en lo hi. Mihing in a kilangkhia a puatham en a, TOPA in ahileh a lungsim a en hi," a ci hi. (‭ZIV‬‬)

1) Mitmuhna in thuman taktak hong lak zolo hi. Mitmuhna bek tawh kalsuan lehang lam kikhial thei hi. Melhoihna le muh theih pak nate tung bekah kingalo ding cihna ahi hi.

2) Mitmuhna sangin a thupi zaw in lungtang (lungsim) ahi hi. A pualam nate a hawlin lungsim ahi hi. A lungsim na zawh nak leh a pumpi zo ding cihna zong ahi hi.

3) Mitmuhna le lungsim sangin Pasian  muhna thupi zaw lai hi. Pasian muhna tawh a kibang muhna khempeuh in gualzawhna ngah den hi.

Lampi (Dal Lam Mang)
Logos Life

Tuni Pasian kammal (Sep 27, 2016)
Tuni LST sim: 1 Samuel‬ ‭15
Tuni Pasian kammal: ‬ ‭‭1 Samuel‬ ‭15:24‬ ‭‬ ‭

Then Saul said to Samuel, “I have sinned. I violated the Lord’s command and your instructions. I was afraid of the men and so I gave in to them.” (NIV‬‬)
Tua ciangin Saul in Samuel kiangah, "Ka mawh mah hi! TOPA thupiakna le nangma lamlahnate ka palsat khin hi; mite ka kihta a, amaute thu ka zuikha hi.” (ZIV‬‬)

1) Saul pen kumpi a piangsak Pasian hi-a sathau a nilh Samuel ahi hi. Tua hi mah leh Pasian thupiakte sangin mite kihta zaw hi. Hih lai mun lian panin Saul pen kumpi za panin hong zakia hi.

2) Mite kihta in mite maipha bekbek zong lehang Pasian maipha kimulo hi. Pasian maipha zong lehang mite maipha kimu zaw hi.

Lampi (Dal Lam Mang)
Logos Life

Tuni Pasian kammal (Sep 26, 2016)
Tuni LST sim: 1 Samuel‬ ‭14
Tuni Pasian kammal: ‬ ‭‭1 Samuel‬ ‭14:44‬ ‭

Saul said, “May God deal with me, be it ever so severely, if you do not die, Jonathan.” (‭NIV‬‬)
Saul in, "Jonathan aw, Nang na sih kei leh Pasian in tua sanga nasiazaw in kei hong thuaksak ta hen," a ci hi. (ZIV‬‬)

1) Saul kumpipa khialh mahmahna khatin kampau tawh khialhna ahi hi. Ama kampau khiatna hangin a galkapte galsimna ah gilkial dangtang dikdekin om uh hi. Tua bek thamlo in Jonathan thah dingin hong kiciam sawnsawn lai hi. Kiciam khia bek thamlo in a kiciamna tangtung saklo ahih manin a khialhna liantoto hi.

2) Kampau pen i paukhiat masiah i lungsim ah edit (ki-endik) thei lai hi. A kisap leh ki delete (phiat) thei lai hi. Ahi zongin i paukhiatkhit ciangin bangmah kibawl pha thei nawnlo hi. Paukhiatsa pen paulokik cih bang piang theilo hi.

3) A diakdiakin paukhia a kiciamna bang thupi mahmah hi. Pasian in hong kiciam in a ci lah hi peuhmah lo na pi-in Pasian tungah kiciamna tawh thu i nget sese khawng zong hoihtak ngaihsut ding ahi hi.

4) Na kampauna tawh mi khat puk thei-a nang mahmah zong na puk thei hi. Tua mah bangin na kampau na tawh mi khatin nuntak lawh thei-a nang adingin zong thu hoih tampi piangsak thei hi.

Lampi (Dal Lam Mang)
Logos Life

Tuni Pasian kammal (Sep 25, 2016)
Tuni LST sim: ‭‭‭‭1 Samuel‬ ‭13
Tuni Pasian kammal: ‬ ‭‭1 Samuel‬ ‭13:22‬ ‭

“So on the day of the battle not a soldier with Saul and Jonathan had a sword or spear in his hand; only Saul and his son Jonathan had them.” (NIV‬‬)
“Tua hi-a, gal kido ni-in Saul le Jonathan ompih galkapte in a khut sunguah namsau le teipi a nei kei uh hi; Saul le a tapa Jonathan bekin tuate a nei uh hi.”  (ZIV‬‬)

1) Galdo ding a kuante lakah Saul le Jonathan bekin galvan nei uh hi. Ahi zongin a galkapte uh makaih ngam veve uh hi. Makaihna taktak pen galvan tungah kinga lo a Pasian tungah kinga zaw hi.

2) Galdo dinga a kuankhia Saul galkapte in galdona ahi namsau le teipi a nei kei hi. Ahi zongin galdo dingin hong kuankhia veve uh hi. Galzawhna taktak pen galvan tungah kinga lo a Pasian tungah kinga zaw hi.

Lampi (Dal Lam Mang)
Logos Life

Tuni Pasian kammal (Sep 24, 2016)
Tuni LST sim: ‭‭‭‭1 Samuel‬ ‭12
Tuni Pasian kammal: ‬ 1 Samuel‬ ‭12:23‬ ‭

“As for me, far be it from me that I should sin against the Lord by failing to pray for you. And I will teach you the way that is good and right.” (NIV‬‬)
“Kei ka hileh note adingin TOPA tungah thu kong ngetsak lohna tawh ka mawh kei ding hi. Tuateh a hoih le amaan lampi no kong hilh ding hi.” (ZIV‬‬)

1) Israel-te in Pasian pen amau kumpi ahihna le Samuel pen a makai ahihna tungah lungkim theilo uha kumpi khat hong ngen uh hi.

2) Hih thu hangin Samuel a lungnuamlo hi. Tua hangin Israel-te thuhilh in kam hong vaikhak laitakin vangingin Pasian vangliatna hong kilangh hi. Israel-te lau mahmah hi. Pasian kiangah thu a ngetsak dingin Samuel thum uh hi.

3) Samuel adingin ngaihsun lehang amah makai za panin a khawlsakte adingin thungetsak ding cih pen haksa mahmah ding hi. Thungetsak ding cih sangsikin "Ka awi mah ve!" cih nop huai hi. Ahi zongin Samuel in "Kei ka hileh note adingin TOPA tungah thu kong ngetsak lohna tawh ka mawh kei ding hi" ci mawk hi.

4) Galte, ei hong mudahte le en i muhdante adingin bangzah vei thu i ngen ngei hiam cih ki-etphat huai hi.

Lampi (Dal Lam Mang)
Logos Life

Tuni Pasian kammal (Sep 23, 2016)
Tuni LST sim: ‭‭‭‭1 Samuel‬ ‭11
Tuni Pasian kammal: ‬ ‭‭1 Samuel‬ ‭11:6‬

“When Saul heard their words, the Spirit of God came powerfully upon him, and he burned with anger.” NIV‬‬)
“Saul in amaute thugen a zak ciangin Pasian Kha vanglianin ama tungah tunga a heh mahmah hi.” (‭ZIV‬‬)

1) Hehna nam nih om hi. Gitlohna tawh hehna oma deihsakna tawh hehna (holy anger) om hi.

2) Galte in Israel mite nakpi takin simmawhin a gitlohna uh Saul in hong za hi. Tua ciangin "Pasian Kha vanglianin ama tungah tunga a heh mahmah hi" ci hi. Pasian vangliatna hong tung leh a kiheh thei na hi mawk hi. Ahi zongin hih hehna pen hehna siangtho ahi hi.

3) Hih lai munsanh-a Saul hehna pen Kha Siangtho piak hehna ahi hi. Kha Siangtho piak hehna ahih manin hehna siangtho cih ding ahi hi.

4) Tua bangmahin naupang khat a hoih zawk ding deihna tawh ama tungah hehna siangtho kilak thei hi. Tua ciangin amah kibawlpha in mi hoih zaw khat hong suak ding cih deihna ahi hi.

5) Tua bangmahin Pasian deihna tawh kituak hetlo-a gamtate deihsakna tawh hehna/tai ngamna (rebuke) zong thupi mahmah hi. Pasian Kha Siangtho in hong luah ciangin hangsanna kinei-a deihsakna tawh mite a kitai ngam pan ahi hi. Tua ciangin amaute kibawlhoihkik ding cih deihna ahi hi.

Lampi (Dal Lam Mang)
Logos Life

Tuni Pasian kammal (Sep 22, 2016)
Tuni LST sim: ‭‭1 Samuel‬ ‭10
Tuni Pasian kammal: ‬ 1 Samuel‬ ‭10:22‬ ‭

So they inquired further of the Lord, “Has the man come here yet?” And the Lord said, “Yes, he has hidden himself among the supplies.” (NIV‬‬)
Tua ciangin amaute in, "Mipa hong pai nai hiam?" ci-in TOPA a dot beh uh hi. Tua ciangin TOPA in, "Hong pai khin hi, amah vanlakah bu hi," a ci hi. (ZIV‬‬)

1) Saul pen kumpi dingin Samuel in sathau a nilhkhit ciangin mipite maiah a lahkhiat sawm leh amah na kibu hi. Ahi zongin Saul omna Topa hong dot ciangun "Hong pai khin hi, amah vanlakah bu hi" ci hi.

2) Pasian adingin kipiakhia in sepsuk ziau ding khawng paulap zongin i bukbuk leh i omomna panin Topan hong samkhia veve ding hi. Pasian in sep dingin hong sehsak khat lungkim takin hoihtak sem pah lehang hoih pen hi.

3) Pasian hong piak ama adingin sep theihna tuamtuam talent-te van kawmlak le lei sungah khawng peuhah sello in zangh khia lehang Pasian a lungkim in ei zong i lungdam hi. Sanggam aw na bukbukna panin hong paikhia in. Nang hong kingak hi.

Lampi (Dal Lam Mang)
Logos Life

Tuni Pasian kammal (Sep 21, 2016)
Tuni LST sim: ‭‭1 Samuel‬ ‭9
Tuni Pasian kammal: ‬ 1 Samuel‬ ‭9:2‬ ‭‬ ‭

“Kish had a son named Saul, as handsome a young man as could be found anywhere in Israel, and he was a head taller than anyone else.” (NIV‬‬)
“Amah in Saul min nei tapa khat nei a, Israel-te lakah amah tawh a kikim om loin - a dangte sangin a liangko tungsiahin a sangzaw hi.” (ZIV‬‬)

1) Saul pen Israel kumpi masa penpen ahi hi. Samuel tungtawnin Pasian in a sathau nilh kumpi khat mah ahi hi.

2) Israel ten kumpi ding khat deih mahmah uh hi. Kumpi ding cih ciangin amaute makaih ding, amaute galdopih ding cih ahi hi. Tua bangmahin Saul pen a thacing mahmaha kumpi dingin a etlawm mahmah khat ahi hi. Mite sangin "A liangko tungsiahin a sangzaw hi" cilai hi.

3) Mite sangin "Liangko tungsiahin na sanzawkna" bang hiam? Tua lai munsan mah Topan hong zangh nuam hi.

Lampi (Dal Lam Mang)
Logos Life

Tuni Pasian kammal (Sep 20, 2016)
Tuni LST sim: ‭‭1 Samuel‬ ‭8
Tuni Pasian kammal: ‬ ‭‭‭‭‭‭‭‭‭1 Samuel‬ ‭8:20‬ ‭

“Then we will be like all the other nations, with a king to lead us and to go out before us and fight our battles.” (NIV‬‬)
“Tuateh ko hong makaih kumpipa tawh minam dangte khempeuh ka bang ding uh a, kote mai-ah masa-in ka galte uh hong dosak ding hi," a ci uh hi. (ZIV‬‬)

1) Israel-te nawngkaina bulpi khatin "Midangte tawh kibat nopna" ahi hi. "Midangte tawh kibat nopna" hangin pasian dangte hong bia uh hi. "Midangte tawh kibat nopna" hangin pasian tungah kumpi khat hong ngen uh hi.

2) Pasian in mihingte hong bawl ciangin khat-le-khat a kibang hetlo dingin hong bawl sese hi. Mihing kisun i sak mahmahte zong a kibatlohna na om veve lai hi.

3) Nang pen nang lian mah dingin Pasian hong bawl ahih manin nang na hihna tawh Topa tungah lungkim theih ding ahi hi. "Midangte tawh kibat nopna" hong om ciangin mite hazatna le Pasian tungah lungkim zawhlohna hong om ding hi.

4) Pasian in lungkim takin midang tawh ki banglo dingin nang hong bawl ahih manin Pasian tungah na lungkim ding ahi hi.

Lampi (Dal Lam Mang)
Logos Life

Tuni Pasian kammal (Sep 19, 2016)
Tuni LST sim: ‭‭‭‭1 Samuel‬ ‭6-7
Tuni Pasian kammal: ‬ ‭‭‭‭‭‭‭1 Samuel‬ ‭6:13‬

“Now the people of Beth Shemesh were harvesting their wheat in the valley, and when they looked up and saw the ark, they rejoiced at the sight.” (NIV‬‬)
“Tua hun laitak, Beth Shemesh mite in kuam sungah mangbuh a lak laitak uh ahi hi. A ettoh uh ciangin singkuangpi mu uh a tua a muhna uh hangin a lungdam mahmah uh hi.” (‭ZIV‬‬)

1) Galdo kullo in Philistia-te khut sung panin thukham singkuang ama thu-in Israel-te kiangah hong ciahkik hi. Pasian thukham singkuang in khe neilo napi-in galphual panin hoih takin hong ciahkik thei hi. A nungta Pasian le pasian dangte kilamdanna hong mu uh hi.

2) Pasian thukham singkuang in khutte le galvante neilo hi mah leh Philiatia galte zo gawpin linglawngsak hi. A nungta Pasian le pasian dangte kilamdanna hong mu uh hi.

3) Pasian thukham singkuang in galte adingin dahna le patauhna hi mah leh Israel-te adingin kipahna ahi hi. A nungta Pasian le pasian dangte kilamdanna hong mu uh hi.

Lampi (Dal Lam Mang)
Logos Life

Tuni Pasian kammal (Sep 18, 2016)
Tuni LST sim: ‭‭1 Samuel‬ ‭5
Tuni Pasian kammal: ‬ ‭‭‭‭‭1 Samuel‬ ‭5:4‬ ‭

“But the following morning when they rose, there was Dagon, fallen on his face on the ground before the ark of the Lord! His head and hands had been broken off and were lying on the threshold; only his body remained.” (NIV‬‬)
“Ahi hangin a zingciang zingsang amaute a thawh uh ciangin TOPA singkuangpi mai leilakah Dagon a na khup tuk hi! A lu le a khutte kitankhia-a a pumpi bek sangkil tungah a na om hi.” (ZIV‬‬)

1) Philistia ten Pasian thukham singkuang hong mat uh ciangin a biakbuk-uh ah a Dagon pasian uh tawh koih khawm uh hi. A zingsang ciangin thukham singkuang maiah Dagon pasian na puksuk bek thamlo in a ngawn le a khutte na kitan hi. Tua bek thamlo in thukham singkuang tuntunna ah Philistia khua mite mahmah zong meima tum vei gawpin tampi tak si uh hi.

2) Israel-te le Pasian singkuang kikop in gal a do uh ciangin gallel uh hi. Ahi zongin Pasian bekin gal hong do ciangin Philistia-te bek thamlo in a pasiante tungah zong galzo hi.

3) Pasian in a mah guak bekin galdo ding hi leh gualzawhna a ngah ding baihsa mahmah hi. Mawhnei mihingte  tawh gualzawhna a ngah khop ding pen tua zahin baihlo hi.

4) A gina hetlo eite tawh gualzawhna Pasian in a lakkhop ding pen a baih hetlo thu ahi hi. Eite tawh gualzawhna hong lak theihna dingin ama nuntakna hong piakhia in tua panin gualzawhna hong ngah thei pan hi zen hi.

Lampi (Dal Lam Mang)
Logos Life

 Tuni Pasian kammal (Sep 17, 2016)
Tuni LST sim: ‭‭1 Samuel‬ ‭4
Tuni Pasian kammal: ‬ ‭‭‭‭‭1 Samuel‬ ‭4:10-11‬ ‭

“So the Philistines fought, and the Israelites were defeated and every man fled to his tent. The slaughter was very great; Israel lost thirty thousand foot soldiers. The ark of God was captured, and Eli’s two sons, Hophni and Phinehas, died.” (NIV‬‬)
“Tua ciangin Philistia-te in simin Israel-te zo uh a, miteng amaute puanbuk ah a tai uh hi. Kithahna nasia lua a; Israel in khe galkap tul sawmthum a taan hi. Pasian singkuangpi kiman a, Eli tapate, Hophni le Phinehas a si uh hi.” (‭ZIV‬‬)

1) Israel-te in Philistia-te nasia takin gal hong lel uh hi. Tua ciangin Israel-te in Pasian thukham singkuang galdona ah hong paipih hi. Thukham singkuang bek thamlo in siampi Eli tapate zong om ahih manin galzo dingin kingaihsun uh hi. Ahi zongin gal hong lel leuleu uha Eli tapate kithatin thukham singkuang zong galte khut sungah hong omta hi.

2) Hici bangin Israel-te in gal hong lelhna in Eli tapate gamtat siatluatna hang ahi hi. Amau gamtatsiatna hangin Israel mibupin gallelh lawh uh hi. Tua bek thamloin amau gamtatsiatna hangin thukham singkuang zong galte khut sungah hong taangin Israel biak Pasian min zong hong dai hi.

3) Mi pawlkhat gamtatsiatna hangin suplawhna tampi le Pasian min daina piang hi. Tua bangmahin mi pawlkhat hoihna hangin galzawhna kingah in Pasian minthanna kilangh hi.

Lampi (Dal Lam Mang)
Logos Life

Tuni Pasian kammal (Sep 16, 2016)
Tuni LST sim: 1 Samuel‬ ‭3
Tuni Pasian kammal: ‬ ‭‭‭1 Samuel‬ ‭3:19‬ ‭

“The Lord was with Samuel as he grew up, and he let none of Samuel’s words fall to the ground.” (NIV‬‬)
“Samuel khangkhanga, TOPA in ompihin ama kammalte khat beek lei-ah a kiasak kei hi.” (ZIV‬‬)

1) Naupang Samuel hong khangtoto a  tua kawm mahin Topa kammalte khat beek lei-ah a kiasak kei hi.

2) Ih khantohna hangin Pasian kammal deih nawnlo in a nawlkhinkhin khawng i hih khak ding lunghihmawh huai mahmah hi.

3) Pasian kammal in nisim nuntakna adingin a kisam kha ann ahih manin nisimin tua kha ann neekloh a phamawh ahi hi.

Lampi (Dal Lam Mang)
Logos Life

Tuni Pasian kammal (Sep 15, 2016)
Tuni LST sim: ‭‭1 Samuel‬ ‭2
Tuni Pasian kammal: ‬ ‭‭‭1 Samuel‬ ‭2:8‬ ‬

He raises the poor from the dust and lifts the needy from the ash heap; he seats them with princes and has them inherit a throne of honor. For the foundations of the earth are the Lord’s; on them he has set the world. (‭NIV‬‬)
Mizawngte leivui panin phongto-a, a tasamte vutbuakna pan lamto hi; kumpi tapate tawh tukhawmsakin, pahtawina tokhom a luahsak hi. Leitung bulpite TOPA aa hi a; tuate tungah leitung a nga hi. (‭ZIV‬‬)

1) Israel-te ngeina ah lungsim kitamzanin haksatna hong tuah uh ciangin Pasian maiah hong kiniamkhiat in leilakah kibual uha vut kibuak uh hi. Tua panin Pasian in amaute phongto-a kumpi tate munah lamsang hi.

2) Na tungah niamkhiatna leivui a tam semsem leh Pasian maipha mah na zon tantan leteh kumpi annnekna sabuai ah a sawtlo in Topa in hong tusak ding hi.

3) Leitung kingakna bulpi in Topa ahih manin leitung na khempeuh ama khut sungah om hi.

Lampi (Dal Lam Mang)
Logos Life

Tuni Pasian kammal (Sep 14, 2016)
Tuni LST sim: 1 Samuel‬ ‭1
Tuni Pasian kammal: ‬ ‭1 Samuel‬ ‭1:17‬ ‭

Eli answered, “Go in peace, and may the God of Israel grant you what you have asked of him.” (NIV‬‬)
Eli in, "Lungnuamin pai in, Israel Pasian in ama tunga na nget hong pia khin hi," ci-in a dawng hi. (ZIV‬‬)

1) Hannah in pasal a neih hangin ta nei theilo ahih manin a lungkham mahmah hi.

2) Ta deih mahmah ahih manin Hannah biakinn ah pai-in a lungkhamna Pasian maiah sungkhia hi. Lungsim takpi tawh thu hong ngen ahih manin biakinn ngak ahi siampi Eli in zukhamsa liang hi.

3) Tua bangin Pasian biakbuk ah hong pai in a lungsim hong sungkhia ahih manin a thungetna Pasian in hong dawngin Samuel a kici tapa hong nei takpi hi.

Lampi (Dal Lam Mang)
Logos Life

Tuni Pasian kammal (Sep 13, 2016)
Tuni LST sim: Ruth‬ ‭3-4
Tuni Pasian kammal: ‬ ‭Ruth‬ ‭3:11

“And now, my daughter, don’t be afraid. I will do for you all you ask. All the people of my town know that you are a woman of noble character.” (‭NIV‬‬)
“Tua hi-a ka tanu aw, tu-in lau kei in. Nong nget peuhpeuh kong hihsak ding hi. Ka khua sungua na lawmte khempeuh in numei gina na hilam hong thei uh hi.” (‭ZIV‬‬)

1) Ruth pen numei thupi mahmah khat ahih lam a khuapihte le Boaz in tel mahmah hi. Numei gina mahmah khat ahih manin pasal hoih mahmah ahi Boaz tawh Pasian in kitengsakin David le Jesu mahmah hong pianna khang suaksak hi (Boaz le Ruth-te in kumpi David i pusawn le pisawnte hong suak uh hi).

2) Ei pen i gamtat a siat mahmah phial hangin numei hoih numei thupi, pasal hoih, pasal thupi mah kideih teitei hi. Tua bang sangin ei zong hoih takin kikem siangtho-in tua panin zi hoih zi thupi, pasal hoih, pasal thupi lamet ding pen thudik ahi hi.

3) Nang na gamtatsiat leh zi gamtatsia pasal gamtatsia khatin hong ngak cih phawk huai hi. "Topa ka zi ding hoihtak na kem inla kei zong hong kem in" ci in thunget ding ahi hi - J M Paupu.

Lampi (Dal Lam Mang)
Logos Life

Tuni Pasian kammal (Sep 12, 2016)
Tuni LST sim: Ruth‬ ‭2
Tuni Pasian kammal: ‬ ‭Ruth‬ ‭2:6-7‬ ‭‬ ‭

The overseer replied, “She is the Moabite who came back from Moab with Naomi. She said, ‘Please let me glean and gather among the sheaves behind the harvesters.’ She came into the field and has remained here from morning till now, except for a short rest in the shelter.” (NIV‬‬)
A ukpa in, "Amah Naomi tawh Moab pana hong ciah kik Moab numei ahi hi. Tuanu in, ‘Nong hehpihna-in an late nunga buhkung lakah a sanghte hong khawmsak in,’ hong ci hi. Amah lo sungah vakvakin zingsang a kipan tu dong niliim ah tomvei sung a khawl loh buang na semsuak hi," ci-in a dawng hi. (ZIV‬‬)

1) Ruth in a teknu tawh a kivakna dingun annlakna ah ann kinusiate hong khawm hi. A nasepna ah hanciam mahmah hi. Tua ahih manin lo nasemte in Ruth thupisa mahmah uha lo neipa Boaz tungah phat uh hi.

2) Nasepna khawng ah phawk khakloh laitakin mittang tampi in hong en thei gige hi. Naseppihte khawngin theihloh kalin a lungsim vuah phatna/phatlohna (credit) hong piapia na hi gige hi.

3) I nasep dan, i nuntak dan mite bekin hong ciamteh hilo Pasian in a neng a tawngin hong ciamteh hi. Hun khat ciangin phatna/phatlohna (credit) hong kilanghkhia ding hi.

Lampi (Dal Lam Mang)
Logos Life

Tuni Pasian kammal (Sep 11, 2016)
Tuni LST sim: Ruth‬ ‭1
Tuni Pasian kammal: ‬ ‭Ruth‬ ‭1:16‬ ‭

“But Ruth replied, “Don’t urge me to leave you or to turn back from you. Where you go I will go, and where you stay I will stay. Your people will be my people and your God my God.” (NIV‬‬)
Ahi hangin Ruth in, "Nang hong nusia ding ahikeh nang hong taisan dingin hong sawl teitei dah in, na paina peuhah ka pai dinga, na tenna peuhpeuh ah ka teng ding hi. Na mipihte ka mipih hi dinga, na Pasian ka Pasian hi ding hi.” (ZIV‬‬)

1) Ruth in a teknu Noami tungah a kiciamnate lakah "Na Pasian ka Pasian hi ding hi" a cih pen thupi mahmah hi.

2) A teknu biak Pasian biakpih ding ci ahih manin a teknu nung a zuih ding khentat taktak cih kilangh hi.

3) A teknu biak Pasian in a nungta Pasian ahih manin Ruth thupha pen a zahnih thupha hong suak hi. A teknu tung le a teknu Pasian tung panin thupha ngah khawm hong suak hi.

4) Tek ding, sungh ding, mo ding, mak dingte zong thupi mahmah in, tuate biak pasian in bang dan pasian hiam cih zong thupi mahmah zaw lai hi.

Lampi (Dal Lam Mang)
Logos Life

Tuni Pasian kammal (Sep 10, 2016)
Tuni LST sim: Thukhente‬ ‭21
Tuni Pasian kammal: ‭Thukhente‬ ‭21:25‬

“In those days Israel had no king; everyone did as they saw fit.” (NIV‬‬)
“Tua hun lai-in Israel in kumpi nei lo hi; amau hoihsak bangin a gamta ciat uh hi.” (‭ZIV‬‬)

1) Thukhente hun lai-in “Israel-te in kumpi nei lo uha amau hoihsak bangin a gamta ciat uh hi” ci hi. Amau hoihsak bang tekin gamta in makai ding neilo uh ahih manun gam vengte in zothawh mahmah uh hi.

2) Pawlpi le kipawlkhopna tuamtuamte ah ei hoihsak tekin gamta lehang tua kipawlna cidam lo ding hi.

3) Hoihsak tek sep ngeingai ding hilo-a hoihsak tek sung khawm photin a hoih penpen sepkhop ding hi zaw hi.

Lampi (Dal Lam Mang)
Logos Life

Tuni Pasian kammal (Sep 9, 2016)
Tuni LST sim: Thukhente‬ ‭20
Tuni Pasian kammal: ‭Thukhente‬ ‭Thukhente‬ ‭20:6‬

“I took my concubine, cut her into pieces and sent one piece to each region of Israel’s inheritance, because they committed this lewd and outrageous act in Israel.” (NIV‬‬)
Tua ciangin ka zineu la-in ka semnen a, Israel-te luahna khempeuhah ka hong hawm hi. Ahang in amaute in Israel-te lakah gitlohluatna le lanluatna hang ahi hi. (DLM)

1) Benjamin minam ahi Gibeah khua mite gamtatsia mahmah hi. Israel khualzinpa zi khat buanlum uh hi. Tua panin Israel le Benjamin kikal ah tualgal lianpi hong tungin mi tampi takin sih lawh uh hi.

2) Hi bang hong pianna pen "lanluatna" hang ahi hi. Lanna pen a sia hipah samlo hi. Ahi zongin "lanluatna" in khialhna lianpi piangsak hi. LST sunga om khialhna tampi takte hih hang mahin hong piangkhia ahi hi.

3) Numei van le pasal van pen Pasian deihna tawh kituakin zangh kha lehang thupha lian mahmah khat ahi hi. Ahi zongin thaang gamtatna in zanghin Pasian deihna tawh kituaklo in i zat khak ciangin buaina lianpi le supna lianpi piangsak hi.

4) Numei van le pasal vante Pasian deihna tawh kituakin zat theihna dingin thungenin i nuntaknate kipuahphat ding ahi hi.

Lampi (Dal Lam Mang)
Logos Life

Tuni Pasian kammal (Sep 8, 2016)
Tuni LST sim: Thukhente‬ ‭18
Tuni Pasian kammal: ‭Thukhente‬ ‭18:12, 15

His master replied, “No. We won’t go into any city whose people are not Israelites. We will go on to Gibeah....
There they stopped to spend the night. They went and sat in the city square, but no one took them in for the night.” (NIV‬‬)
A pu in, "Hi kei, namdangte khuapi ah tung kei ni a mite Israel-te hi lo hi. Gibeah a i paisuak ding hi," ci-in a dawng hi.
‭‭“Tua lai-ah giak dingin a khawl uh hi. Amaute pai-in khuapi tual-awngah tu uh a ahi hangin a inn a tungsak dingin kuamah in a sam kei hi.” (ZIV‬‬)

1) Israel-te khat a khualzinna lamkal ah khuamial mahmahta ahih hangin namdangte khua ah zintung nuamlo a Israel-te khua a tun dong pai suak hi. Ahi zongin Israel-te khua atun uh ciangin a upmawh banglo in zintunna ding muzolo dektak uh hi. Tua bek thamlo in zankim ciangin khua sunga migilote in bawlsia gawp lai hi.

2) Ka mipihte, ka mel theihte, ka innkuanpihte ci-in i kisak theih pih luatte khawng zong ei ading buaina hi zawsop thei hi.

Lampi (Dal Lam Mang)
Logos Life

Tuni Pasian kammal (Sep 7, 2016)
Tuni LST sim: Thukhente‬ ‭17
Tuni Pasian kammal: ‭Thukhente‬ ‭17:13‬

And Micah said, “Now I know that the Lord will be good to me, since this Levite has become my priest.” (‭NIV‬‬)
Tuateh Micah in, "Hih Levi-pa ka siampi ahi nungsang kei tungah TOPA migi ding hi," a ci hi. (ZIV‬‬)

1) Micah kici khatin milim bawlin a inn ah koih hi. Tua ciangin Levi mi khat siampi dingin cial hi. Levi mi khat siampi dingin nei ahih manin a milim biakna Pasian in a maisak dingin hong ngaihsunin Pasian kiang panin thupha lamen lai hi.

2) Tua bang mahin Israel-te in zong Pasian le amau kizopna a neihkhit uh ciangun ngaihmuang lua ahih manun amau ginatlohnate kipuahphat dingin ngaihsun nawnlo uh hi. Israel-te ahihna ahi na hoih khat tawh na hoihlo ahi kipuahphat noplohna sin (cover) uh hi. Tua hang mahin inn olive kungte bang ahi Israel-te kisattat in amau munah gam olive kung ahi Gentile-te kisuan hi (Rom 11).

3) I nuntakna ah na hoihlote na hoih i neih sunsun tawh sit (cover) ding hilo hi. Hih bangin hici buang kaih teh ka tua cihna pen Pasian in hong tua cih sam kenteh cih ding hilo hi. Milim biakna tuamtuamte paikhia in kipuahphat ding ahi hi.

Lampi (Dal Lam Mang)
Logos Life

Tuni Pasian kammal (Sep 6, 2016)
Tuni LST sim: Thukhente‬ ‭16
Tuni Pasian kammal: ‭Thukhente‬ ‭16:22‬

“But the hair on his head began to grow again after it had been shaved.” (‭NIV‬‬)
“Ahi hangin a metsa a sam a khang kik ta hi.” (ZIV‬‬)

1) Pasian thupiakna panin Samson hong pialkhiat ciangin ama thahatna zong hong beita hi. Agalte in a mittangte lakkhiatsakin a zumhuai theithei dingin bawlsia uh hi. Bawlsiatna tampitak hong thuakkhit ciangin “A metsa a sam a khang kik ta hi” ci hi.

2) Bangzah takin Pasian na taisan phial zongin amah zuanin na paikik ciangin na metsa na thahatna samte hong khang ding hi. Pasian hong piak na thahatna hong dimkik dinga na galte na zokik ding hi.

Lampi (Dal Lam Mang)
Logos Life

Tuni Pasian kammal (Sep 5, 2016)
Tuni LST sim: Thukhente‬ ‭15
Tuni Pasian kammal: ‭Thukhente‬ ‭15:14‬

“As he approached Lehi, the Philistines came toward him shouting. The Spirit of the Lord came powerfully upon him. The ropes on his arms became like charred flax, and the bindings dropped from his hands.” (NIV‬‬)
“Lehi a manawh laitakun Philistia-te in awngsa-in ama lam a manawh uh hi. TOPA Kha thahatna tawh ama tungah a tung hi. A bana khihna khau buhtu tawh kibang lel-a a khihnate a khut panin a kiakhia hi.” (ZIV‬‬)

1) Samson tha-hat mahmahna in bang hiam cihleh kikhihcip zo ngiatlo cih ahi hi. Pasian Kha thahatna ama tungah a tun ciangin a kikhihna khaute in buhtu khau awlno takin a kisuktat bang lel hi.

2) Eite zong i galpa in hencip hong sawm den hi. Gamtat hoihlo tuamtuam tawh hong hencip sawm hi. Zongsatna hoihlo tuamtuam tawh hong hencip sawm hi. Leitungna hoihlo tuamtuamte tawh hong hencip sawm hi. Ahi zongin Topa Kha in hong ompih ciangin tua henna khempeuh awlno takin hong kitat ziahziah ding hi.

Lampi (Dal Lam Mang)
Logos Life

Tuni Pasian kammal (Sep 4, 2016)
Tuni LST sim: Thukhente‬ ‭13-14
Tuni Pasian kammal: ‭Thukhente‬ ‭14:17‬‬ ‭
“She cried the whole seven days of the feast. So on the seventh day he finally told her, because she continued to press him. She in turn explained the riddle to her people.” (NIV‬‬)
“Tuanu pawisung buppi ni sagih sung a kap hi. Tua banga phuphu den ahi manin a ni sagihna ni- in, a tawpna-ah, a gen hi. Tuanu in a mipihte kiangah a hilhsawn hi.” (ZIV‬‬)

1) LST sunga Pasian mizat tampite a puukna in nuu-le-paa (sex) vai ahi hi. Tua a pukte lakah Samson zong kihel hi.

2) Samson pen taksa ah thahat mahmah in Philistia-te a honhon in zo gawp phial mah leh thanem mahmah numei khat lel hi. Thatang thu ah pasalte sangin numeite thanem zaw hi mah leh thudam tawh pasalte a zo thei numeite ahi hi.

3) Samson tungah kipia thukham in lenggahzu nelo ding cih le sammetlo ding cih ah hi. Nuu-le-paa vai hoih tak kikem ding cih a kihel kei hi. Ahi zongin nuu-le-paa vai ah hoihtak kikemlo ahih manin tua in Pasian thupiak palsatsak ahi hi. "Pasian um peuh leng" ci-in na gamtatna na awlmawh kei leh tua gamtatsiatnate in Pasian uplohna ah hong tun ding hi.

4) Nuu-le-paa vai pen thupi ngaihsut mahmah in siangtho takin zat ding ahi hi. Banghang hiam cih leh leitung nuu-le-paa kizopna in Pasian le thu-ummite kizopna etsakna ahi hi.

Lampi (Dal Lam Mang)
Logos Life

Tuni Pasian kammal (Sep 3, 2016)
Tuni LST sim: Thukhente‬ ‭11-12
Tuni Pasian kammal: ‭Thukhente‬ ‭11:32‬

“Then Jephthah went over to fight the Ammonites, and the Lord gave them into his hands.” (‭NIV‬‬)
“Tua ciangin Ammon-te sim dingin Jephthah kuankhia a, TOPA in a khut sungah amaute a pia hi.” (ZIV‬‬)

1) Jephthah in Gilead khua a teng Israel mi khat ahi hi. Amah pen Pasian a muang galhang a thahat khat ahi hi (11:1, 29, 30).

2) Jephthah in Galhang ahih hangin Israel a mipihte mahmah in a tenna khua simmawhsak hi (12:4). A mipihte simmawhna thuak mah leh ama biak Pasian taisan hetlo ahih manin Topan gualzawhna pia hi.

3) Jephthah in Galhang ahih hangin a sanggamte tektekte mah in simmawh uha inn panin hawlkhia uh hi (11:2). Hihci bangin a sanggam tektekte simmawhna thuak mah leh ama biak Pasian nuaksan hetlo ahih manin Topan gualzawhna pia hi.

4) Jephthah in Galhang ahih hangin a pianna a nu in numei kizuak ci citciat hi (11:1). Hihci bangin khanggui ginalo panin hong piangkhia hi mah leh ama biak Pasian tungah khasialo ahih manin Topan gualzawhna pia hi.

Lampi (Dal Lam Mang)
Logos Life

Tuni Pasian kammal (Sep 2, 2016)
Tuni LST sim: Thukhente‬ ‭10
Tuni Pasian kammal: ‭Thukhente‬ ‭10:16

“Then they got rid of the foreign gods among them and served the Lord. And he could bear Israel’s misery no longer.” (NIV‬‬)
“Tua ciangin amaute laka a pasiante uh paikhia-in TOPA ’ na a sem uh hi. Tuateh amah in Israel’ gimthuakna a thuakzo nawn kei hi.” (ZIV‬‬)

1) Haksatna thuakin i om ciangin thuakzo nawnlo zah dongin i Pasian a lungtangna mahmah hi. Eite laka pasian dangte paikhia-in Topa na sem ni.

2) Natna satna thuakin i om ciangin thuakzo nawnlo zah dongin i Pasian a lungtangna mahmah hi. Eite laka pasian dangte paikhia-in Topa na sem ni.

3) Tawntung sihna ah i tun khak ding thuakzo nawnlo zah dongin i Pasian a lungtangna mahmah hi. Eite laka pasian dangte paikhia-in Topa na sem ni.

Lampi (Dal Lam Mang)
Logos Life

Tuni Pasian kammal (Sep 1, 2016)
Tuni LST sim: Thukhente‬ ‭9
Tuni Pasian kammal: ‭Thukhente‬ ‭9:56-57‬ ‭

“Thus God repaid the wickedness that Abimelek had done to his father by murdering his seventy brothers. God also made the people of Shechem pay for all their wickedness. The curse of Jotham son of Jerub-Baal came on them.” (NIV‬‬)
“Abimelech in a sanggam pasal sawm sagih that in a pa tungah a gitlohna hangin Pasian in hih bangin a thuk ahi hi. Pasian in Shechem mite zong a gitlohna khempeuh uh a thuk hi. Jerub-Baal’ tapa Jotham hamsiatna amau tungah a tu hi.” (ZIV‬‬)

1) Abimelech le Shechem khuapih mite in Gideon innkuan tungah tatsia in a tapa sawm sagihte thahsak uh hi. Hih bangin gamtatsia uh ahih manun Pasian in a gitlohna uh thukin Abimelech le Shechem-te amau-le-amau kilehdosak hi.

2) Gamtatsiate gamtatsiatna mahin nungzuiha gamtathoihte zong gamtathoihna mahin nung zuihin pah lel hi.

3) Gamtatsia mahmah in a hoih ngahkik ding lamen den keei cih zong haivai mahmah hi.

4) Thuhoih thupha na bawlbawl peuh lecin tuate in hong nung zuihin hun khat ciang hong pha ding hi.

Lampi (Dal Lam Mang)
Logos Life

Tuni Pasian kammal (August 31, 2016)
Tuni LST sim: Thukhente‬ ‭8
Tuni Pasian kammal: ‭Thukhente‬ ‭8:35‬ ‭

“They also failed to show any loyalty to the family of Jerub-Baal (that is, Gideon) in spite of all the good things he had done for them.” (NIV‬‬)
“Jerub-Baal (Gideon cihna) in amaute adingin na hoih a sepsakte hangin a innkuanpihte tungah lungdam a thuh ding uh zong a don nawn kei uh hi.” (ZIV‬‬)

1) Gideon in ama nuntakna khamin a mipihte adingin galdosak hi mah leh "Amah le a innkuanpihte tungah a mite in lungdam a thuh ding uh zong a don nawn kei uh hi" ci hi.

2) A mite in hici bangin lungsim pua mah leh ngahkikna ding lungsim tawh Gideon a kipiakhia hilo ahih manin "Ken note kong uk kei dinga, ka tapa in zong hong uk kei ding hi. TOPA in note hong uk ding hi," ci-in a gen hi (Aneu 23).

3) Mite i huh ciangin ngahkik nopna lungsim tawh huh kei lehang vai puaknop penpen hi.

Lampi (Dal Lam Mang)
Logos Life

Tuni Pasian kammal (August 30, 2016)
Tuni LST sim: Thukhente‬ ‭7
Tuni Pasian kammal: ‭Thukhente‬ ‭7:2-3‬

The Lord said to Gideon, “You have too many men. I cannot deliver Midian into their hands, or Israel would boast against me, ‘My own strength has saved me.’ Now announce to the army, ‘Anyone who trembles with fear may turn back and leave Mount Gilead.’ ” So twenty-two thousand men left, while ten thousand remained. (NIV‬‬)
TOPA in Gideon kiangah, "Amaute khut sungah Midian-te ka piak nadingin na mite tam lua hi. Israel in ama hatna tawh a kihonkhia zo kisa in kei tungah a kisaktheih khak loh nadingin mite tungah zasak inla, ‘Lau-a, ling peuhmah ciahin Gilead Vum nusia thei hi,’ ci in," a ci hi. Tuaci-in mi tul sawmnih le tulnih ciah uh a, tul sawm a om lai hi. (ZIV‬‬)

1) Gideon in a galkap 32000 lakpanin 300 telkhia a tua tawh sehnel zahin a tam a galte uh Pasian in zawh pih hi. Galzawhna in Pasian hang bekmah hi cih a theihna dinguh ahi hi.

2) Galzawhna dingin Pasian kisam cih ka theih mateng galzawhna taktak ka ngah kei hi. Banghang hiam cihleh galzawhna in Topa a ahi hi.

3) Nuntakna dingin Pasian kisam cih ka theih mateng nuntakna taktak ka ngah kei hi. Banghang hiam cihleh nuntakna in Topa a ahi hi.

4) Ka nuntakna ah thu nengno khat nangawn Topa nang tawh kisai hi. Banghang hiam cihleh ka nuntakna khempeuh nang a hi zaw hi.

Lampi (Dal Lam Mang)
Logos Life

Tuni Pasian kammal (August 29, 2016)
Tuni LST sim: Thukhente‬ ‭6
Tuni Pasian kammal: ‭Thukhente‬ ‭6:12‬ ‭

When the angel of the Lord appeared to Gideon, he said, “The Lord is with you, mighty warrior.” (NIV‬‬)
Gideon tungah TOPA vansawltak kilanga, "A thahat galhangpa aw, TOPA in nang hong ompih hi," a ci hi. (ZIV‬‬)

1) Gideon in a minam neusekin, a beh neusekin, a innkuan sungah zong amah-le-amah a kineusek laitakin "A thahat galhangpa aw" ci-in Topan sam hi. (Aneu 12, 15).

2) Gideon in galdo nai hetlo hi mah leh Topan "Galhangpa" ci mawk hi.

3) Nang-le-nang siamlo na kisak laitakin Topan a siam hong ci hi.

4) Nang-le-nang hai na kisak laitak mahin Topan pil hong ci hi.

5) Nang-le-nang guallel na kisak laitak mahin Topa a gualzo hong ci hi.

6) Topa in Gideon tungah, "Tu-a na neih thahatna tawh pai-in Midian khut panin Israel honkhia in. Nang hong sawl lo ka hi hiam?" acih mah bangin gal a zo dingin Topan nang hong sawl hi. Thahat inla hangin.

Lampi (Dal Lam Mang)
Logos Life

Tuni Pasian kammal (August 28, 2016)
Tuni LST sim: Thukhente‬ ‭3-5
Tuni Pasian kammal: ‭Thukhente‬ ‭5:7‬

“Villagers in Israel would not fight; they held back until I, Deborah, arose, until I arose, a mother in Israel.” (NIV‬‬)
“Keimah Deborah khanga, Israel ah nu khat a khan mateng Israel a khuano nuntakna a bei hi.” (‭ZIV‬)

1) Deborah pen Israel thukhen numei  khat (female judge) a hi hi. A mahin Israel-te makaih-a, nisuh kung nuai khat thukhenzumin nei in Israel-te adingin thukhensak hi (Thukhen 4:4, 5).

2) Tua hun laitak in Israel-te thumanlohna hangin Pasian in Canaan kumpipa khat ii khut sungah Israel-te pia hi. Tua kumpipa galkapmangpa in Siseria kici hi. Tua pa in sakol leng 900 val nei in galkap tampi nei ahih manin Israel-te kum 20 sung bang simmawh mahmah hi (Thukhen 4:3).

3) Deborah makaihna tawh Siseria le a galkap teng khempeuh Pasian in zosak hi. Siseria hong zawh theihna dingun ma hong pankhia in numei ahi hi. Tua bek thamlo in Siseria a that mahmah zong numei mah ahi hi (Thukhen 4:4, 21). Numeite tung tawnin Israel ten gualzawhna lianpi ngah in kum 40 sung bang a gamuh gal vengin daihna nei hi (Thukhen 5:31).

4) Israel-te adingin Pasian in numei thukhen Deborah a zat mah bangin minam ading ahi zong in Pasian minthanna ding ahi zongin Pasian in numeite hong zang thei hi.

Lampi (Dal Lam Mang)
Logos Life

Tuni Pasian kammal (August 27, 2016)
Tuni LST sim: Thukhente‬ ‭2
Tuni Pasian kammal: ‭Thukhente‬ ‭2:10‬

“After that whole generation had been gathered to their ancestors, another generation grew up who knew neither the Lord nor what he had done for Israel.” (NIV‬‬)
“Tua khang khat buppi a pate uh kiangah a kigawm khit ciangin TOPA ahi a, Israel ading ama nasepsate ahi zongin a theikha lo khang dang khat a khang hi.” (‭ZIV‬‬)

1) Egypt pana hong paikhia Israel-te, sehnel gama piang Israel-te, Canaan gam luahna ah Pasian nasepna lianpi a mu kha Israel-te tu-in hong sikhinta uh hi. Tua Pasian nasepnate a thei kha nawnlo khang khat hong khangkhia hi.

2) Hih khanga kipanin Israel-te in pasian dangte hong bia in a nungta Pasian hong nusia uh ahih manin Pasian hehna lianpi hong piangsak hi.

3) Eite zong suang kawmlak, mual dawnlak, ninphual panin Topa hong domkhiatte i hi hi. Tua thu in khang khat zong pai nailo hi. Pasian vangliatna khutte i phawk kha nawn kei dekdek hi.

4) Pasian a theikhalo khangte hong pian lohna dingin eite in mawhpuak lianpi i nei hi. A diakdiak in gamdanga omte in gamdanga piang khang thakte kiangah a nu-le-pate, innkuanpih pi-le-pute koici banga nungta ngeia koici bangin Pasian in lamsang cih phawksakin, muhsak ding thupi mahmah hi.

Lampi (Dal Lam Mang)
Logos Life

Tuni Pasian kammal (August 26, 2016)
Tuni LST sim: Thukhente‬ ‭1
Tuni Pasian kammal: ‭Thukhente‬ ‭1:1-2‬

“After the death of Joshua, the Israelites asked the Lord, “Who of us is to go up first to fight against the Canaanites?” The Lord answered, “Judah shall go up; I have given the land into their hands.” (NIV‬‬)
Joshua a sih khit ciangin Israel-te in TOPA tungah, "Canaan-te hong simsak dingin kote mai-ah kua pai masa ding hiam?" ci-in a dong uh hi. TOPA in, "Judah a pai ding hi; keimah in amaute khutah tua gam ka pia khin hi," ci-in a dawng hi. (‭ZIV‬‬)

1) Moses le Joshua-te hong sihkhit uh ciangin Israel-te galdona ah "Kua pai masa ding" cih hong kidong uh hi. Pasian in "Judah pai masa ding" ci hi.

2) Judah a khiatna in "Phatna" ahi hi. 2 Khang 20:22 ah Judah-te in gal a lelh laitakun Pasian phat hong kipan uha tua panin galzawhna hong ngahkik ci hi.

3) Pasian phat cih ciangin "Lungdamna lakkhiatna ahi hi." Na lungdamsak photphot lecin na maban zong hong kihong zaw ding hi. Pasian tungah lungdamtheihna ding tam lua mahmah hi. Tuate tungah lungdamin amah phat in. Na zingthawh dan le na maban zop dan  hong kilamdang ding hi.

4) Pasian phat cih ciangin "Maitaina ahi hi." Mi khat hong hehmai sangin hong nuihmai leh i lungdam zaw veve hi. Na maitailohna sangin na maitaina in na ma hong honsak zaw ding hi.

Lampi (Dal Lam Mang)
Logos Life

Tuni Pasian kammal (August 25, 2016)
Tuni LST sim: Joshua‬ ‭22-24
Tuni Pasian kammal: ‭Joshua‬ ‭24:13‬ ‭

So I gave you a land on which you did not toil and cities you did not build; and you live in them and eat from vineyards and olive groves that you did not plant. (NIV‬‬)
Tua bangin no gimna loin gam kong pia a, no lam lohin khuapite kong pia hi; tuate sungah na teng uh a, na suan loh uh lenggui huan pan le olive lo panin na ne uh hi, ci hi. (ZIV‬‬)

1) Gam khat, khuapi khat hong suahna dingin khua-ul, sisan, a man bangmah i piakloh gamte, khuapite ah Topan hong tengsak hi.

2) Ei lam loh, ei khawhloh, ei bawlloh ahi Inn-le-lo, neih-le-lamte Topan hong neisak hong luahsak hi. Ei suanloh singkungte tawh inn hong lamsak hi.

3) Ei a ahilo motor, vanleng, meilengte hong tuangsakin ei zik hetloh lampite hong tawnsak hi.

4) Ei suan loh lenggui le olive gah limte tawh hong vak hi.

5) Mihingte neihsa tawh lei zawh ding ahi lo gupkhiatna hong ngahsakin, mihingte bawl ahi lo kham innpi hong luahsak lai ding hi.

6) Ei cih bang tektek in khangthakte in hong cih theihna dingin neih-le-lam, sum-le-pai, Khua-ul, sisan piakhia in sepkhiat kul leuleu hi.

Lampi (Dal Lam Mang)
Logos Life

Tuni Pasian kammal (August 24, 2016)
Tuni LST sim: Joshua‬ ‭21
Tuni Pasian kammal: ‭Joshua‬ ‭21:45

“Not one of all the Lord’s good promises to Israel failed; every one was fulfilled.” (‭NIV‬‬)
“TOPA in Israel innkuante tungah kamciam hoih khempeuh khat beek kipelh loin, a vekin a tangtun kim hi.” (ZIV‬‬)

1) Salsuahna panin honkhia in Canaan gam lam Israel-te Topan zuansak hi. Topan a kamciam tangtungsak hi.

2) Sehnel gam panin lakhia in bawngnawi le khuaizu luanna Canaan leitang Topan Israel-te pia hi. Topan a kamciam tangtungsak hi.

3) Canaan a om galte khempeuh zawhpihin Canaan leitang Topan Israel-te luahsak hi. Topan a kamciam tangtungsak hi.

4) Egypt salsuahna le sihna pan hong honkhia in Canaan gam thak hong luahpih Topa Pasian ahi hi. Tua Topa in a sawtlo in kong paikik ding hi ci in hong kamciam hi. Topan a kamciam tangtungsak den hi.

Lampi (Dal Lam Mang)
Logos Life

Tuni Pasian kammal (August 23, 2016)
Tuni LST sim: Joshua� �18-20
Tuni Pasian kammal: �Joshua� �20:4

“When they flee to one of these cities, they are to stand in the entrance of the city gate and state their case before the elders of that city. Then the elders are to admit the fugitive into their city and provide a place to live among them.” (NIV��)
“"Amah tua khuapite khatah a tai ciangin khuapi kongpi lutna ah dingin, tua khuapi upate tungah a thu a telgen ding hi. Tua ciangin amaute in amau khuapi ah amah omsakin amau tawh a omkhawm nading mun a pia ding uh hi.” (ZIV��)

1) "Refugee" (Galtai) cih pen LST zia tawh a na kituak mahmah khat ahi hi.

2) Israel ten Canaan gam hong luah ciangin refugee lak dan ding Moses le Joshuate in hoihtak gelsak pah hi.

3) Refugee khuate ah hong galtaite khua makaite in a thu (case) hoihtak kantel in galtaite that huailo ahih leh refugee dingin hoihtak kem uh hi.

4) Taksa refugee zong omin kha lam refugee zong tam mahmah hi.

5) Refugee-te bukna mun a muanhuai penpen in Jesu angsung ahi hi. Banghang hiam cihleh amah a zuan mite case (athu/avai) khempeuh sangin amah a bel mite bit takin kem hi.

Lampi (Dal Lam Mang)
Logos Life

Tuni Pasian kammal (August 22, 2016)
Tuni LST sim: Joshua� �15-17
Tuni Pasian kammal: �Joshua� �17:13� �

“However, when the Israelites grew stronger, they subjected the Canaanites to forced labor but did not drive them out completely.” (�NIV��)
“Ahi hangin Israel-te a thahat zawk uh ciangin Canaan-te zawhthawh thu-in na semsak uh a, a hawlkhia siang kei uh hi.” (ZIV��)

1) Canaan gam amau bekmahin a luah dingin Pasian in Israel-te a piak ahi hi. Midang tawh a luah khawm a teng khawm dingin Pasian in phallo hi. Ahi zongin Israel-te in Canaan mi pawlkhat hawlkhia lo in teng khawm uh hi. Tuate in Israel-te lamkhialhna lianpi piangsak hi.

2) Canaan gam etsakna ahi tapidawte nuntakna zong Canaan mite tawh a luah khawm dingin Pasian in hong deihlo hi. Canaan mite ahi Pasian deihna tawh kituaklo khempeuh a banbanin hawlkhiat ding ahi hi.

Lampi (Dal Lam Mang)
Logos Life

Tuni Pasian kammal (August 21, 2016)
Tuni LST sim: Joshua� �12-14
Tuni Pasian kammal: �Joshua� �14:9� �

“So on that day Moses swore to me, ‘The land on which your feet have walked will be your inheritance and that of your children forever, because you have followed the Lord my God wholeheartedly.’” (�NIV��)
“Tua ahi ciangin tua ni-in Moses kei tungah hong kiciam a, ‘ TOPA ka Pasian na lungsim neih zahin zui na hi manin na khe a na siikna mun peuhpeuh nang goutanh hi dinga, na tate in a tangden ding uh hi,’ b hong ci hi.” (ZIV��)

1) Canaan gam a va-en dingin Moses in a sawlte lakah Joshuate lawmta bekin gualzawhna pulak uh hi. Joshua in gualzawhna a puklak theihna pen "A lungsim KHEMPEUH tawh Pasian a muanna hang hi" ci hi (aneu 8).

2) "Khempeuh" cih ciangin hun khempeuh cihna zong hipaha a masa lam, a laizang le a tawpna a vekin kihel hi. A laizang ciang bek na muan le a tawpna lamah Pasian ompihna om pan thei hi. A tawpna bekah na muan leh a patna le a laizangte thupitna na tel kei ding hi. Tua ahih manin a hun khempeuh ah Pasian muan ding thupi mahmah hi.

3) Pasian up-a up veve lungsim khempeuh tawh um lecin na hampha zaw ding hi.

4) Pasian phat-a phat veve lungsim khempeuh tawh phat lecin na hampha zaw ding hi.

Lampi (Dal Lam Mang)
Logos Life

Tuni Pasian kammal (August 20, 2016)
Tuni LST sim: Joshua� �11
Tuni Pasian kammal: �Joshua� �11:6

The Lord said to Joshua, “Do not be afraid of them, because by this time tomorrow I will hand all of them, slain, over to Israel. You are to hamstring their horses and burn their chariots.” (NIV��)
TOPA in Joshua kiangah, "Amaute kihta kei in, bang hang hiam cihleh zingciang tu hunin thahsa-in Israel tungah amaute khempeuh kong pia ding hi. A sakol zaguite uh attatsakin a sakol-lengte uh na haltum ding uh hi." a ci hi. (ZIV��)

1) Kumpi 12 val bang hong kikai khawmin Joshua-te ado dingin hong kuankhia leuleu uh hi. A galte uh sehnel zahin tamphial mah leh Pasian in Joshua-te ompih ahih manin Israel-te in zo veve lel hi.

2) Action movie khawng i et ciangin bangzah takin lauhua in galte tam mahmah leh actor (min-ta) ahih nak leh silo ding, a tawpna ah agalte hong zo veve ding cih khamuanna kinei hi. Tua ahih manin a galte tam mahmah lau hua mahmah leh a movie muhnop semsem lel hi.

3) I nuntakna zong movie khat bang mah ahi hi. Tua movie sungah a actor na hih ding thupi hi. Tua na hih nadingin Pasian in hong panpih a kul ahi hi. Pasian in hong panpih peuh leh galte tam semsem na maban lunglut huai semsem ahi hi.

Lampi (Dal Lam Mang)
Logos Life

Tuni Pasian kammal (August 19, 2016)
Tuni LST sim: Joshua� �10
Tuni Pasian kammal: �Joshua� �10:5� �

“Then the five kings of the Amorites—the kings of Jerusalem, Hebron, Jarmuth, Lachish and Eglon—joined forces. They moved up with all their troops and took up positions against Gibeon and attacked it.” (NIV��)
“Tua ciangin Amor-te kumpi ngate - Jerusalem, Hebron, Jarmuth, Lachish le Eglon kumpite a pangkhawm uh hi. A galkapte khempeuh uh tawh kisuanto uh a, Gibeon langkhatah panmun la-in a sim uh hi.” (ZIV��)

1) Joshua-te ado dingin Jerusalem kumpipa in kumpi adang lite zawn hi. Tua kumpi lite in zong thukim takin Jerusalem kumpipa pawlpih uh hi.
Ahi zongin Pasian in Joshua-te ompih ahih manin a langa a pang khempeuh Joshua khut sungah pia hi.

2) Kumpi lite in Pasian mite a langdo Jerusalem kumpipa tawh kipawl ahih manun a gam uh le amau nuntakna suplawh uh hi. Gibeon-te ahih leh Joshua-te pawlpih uh ahih manun Joshua galzawhna in amau galzawhna hong suakta hi.

3) Nang ee...kua tawh kipawl kha na hiam? Na kipawlpihte Pasian deih bangin a gamtate mah ahiam?

Lampi (Dal Lam Mang)
Logos Life

Tuni Pasian kammal (August 18, 2016)
Tuni LST sim: Joshua� �9
Tuni Pasian kammal: �Joshua� 9:14-15

“The Israelites sampled their provisions but did not inquire of the Lord. Then Joshua made a treaty of peace with them to let them live, and the leaders of the assembly ratified it by oath.” (NIV��)
“Israel mite in a an puakte vel uh a TOPA a dong kha kei uh hi. Tua ciangin Joshua in amaute a hin khawi nading kilemna thuciam bawlin mihonpite makaite tawh kiciamna a kipsak hi.” (ZIV��)

1) Canaan gam hong do ciil laitakun Israel ten gal bangci do ding cih hoihtakin Pasian dong tanghtangh uh hi. Ahi zongin nih vei thum vei bang gal hong dokhit uh ciangun kingeinaseh kha uha Pasian thu hong dong kha nawnlo uh hi.

 2) Nisima i ngeinaseh ahi nekna dawnna le thu nengno tawh a kibang na tuamtuamte ah Pasian phawk huai mahmah hi.

Lampi (Dal Lam Mang)
Logos Life

Tuni Pasian kammal (August 17, 2016)
Tuni LST sim: Joshua� �8
Tuni Pasian kammal: �Joshua� 8:18

“Then the Lord said to Joshua, “Hold out toward Ai the javelin that is in your hand, for into your hand I will deliver the city.” So Joshua held out toward the city the javelin that was in his hand.” (�NIV��)
Tua ciangin TOPA in Joshua kiangah, "No tungah khuapi hong pia ta ding ka hi manin na khut sunga teipi Ai lam ngatin zan in," a ci hi. Tua ciangin Joshua in a teilot Ai lam a ngat hi. (�ZIV��)

1) Topa in Israel-te khut sungah Ai khua a piak ding ciangin Joshua kiangah "Na khut sunga teipi Ai lam ngatin zan in," ci hi. A hangin "Ai khua lam a teipi ngat tektek kei leh Israel-te lam khawng peuh ngat kha ding hi" (Sia TS Pau).

2) I teipi ngatna pen koi lam hiam? I teipi ngatna ding pen i galte lam ahi hi. I teipi pen i galdo pih i lawmte lam khawng i ngat khak ding Topan hong phallo hi.

3) Ak lawmta i suktuah nop leh a khat pen belmang nuh lehang hong kithei nawnlo uhin hong kitu pah uh hi.

4) Jesu nungzui a kici thu-um mite aw i galpa belmang nuh khawngin i om kha hiam?

5) Jesu nungzui a kici thu-um mite aw na teipi uh zankhia unla mun dang ngatlo in Ai khua lam ngat un. Gualzawhna lianpi Topan hong pia ding hi.

Lampi (Dal Lam Mang)
Logos Life

Tuni Pasian kammal (August 16, 2016)
Tuni LST sim: Joshua 7
Tuni Pasian kammal: Joshua 7:11

“Israel has sinned; they have violated my covenant, which I commanded them to keep. They have taken some of the devoted things; they have stolen, they have lied, they have put them with their own possessions.” (NIV)
“Israel mawh khin ta hi; amaute zuih dinga ka thupiak ahi ka thukhun a palsat uh hi. Amaute in a ki-apsa nate pawlkhat a la uh hi; amaute in gu uh a, zuauphuakin amau neihsate lakah a koih uh hi.” (ZIV)

1) Jericho khuapi tungah gualzawhna lianpi Israel ten hong ngahkhit ciangun Ai khua neu hong lak sawm uha zawh ngap mahmah ahi. Ahi zongin Ai khuami ten na lehzawh gawpin Israel miten maizumna lianpi tuak uh hi.

2) A guallehna uh hoihtak hong kan uh ciangun Pasian vante a lakkhak manuh na himawk hi.

3) Pasian vante ahi sawm-ah-khat, biakinn, biakinn vanneih tuamtuamte le mission nasepna sum-le-pai, vante tungah cihtak mahmah ding ahi hi. Topa in "Ka neihsak nong guksak hi" hong cih loh ding thupi mahmah hi.

Lampi (Dal Lam Mang)
Logos Life

Tuni Pasian kammal (August 15, 2016)
Tuni LST sim: Joshua 6
Tuni Pasian kammal: Joshua 6:5

“Pengkul aw sawtveipi a kimut a zak uh ciangin mipi khempeuh ngaihtakin awng ding uh a, tua ciangin khuapi kulh kicimin mite a omna ciat panun kahto in tangtakin a lut ding uh hi," a ci hi.” (ZIV)
“When you hear them sound a long blast on the trumpets, have the whole army give a loud shout; then the wall of the city will collapse and the army will go up, everyone straight in.” (NIV)

1) Awtna tawh Jericho kulhpite kicim hi.

2) I nuam mahmah ciangin ki-awng hi.

3) I dah mahmah ciangin zong ki-awng in kikapkhia hi.

4) Awtna tawh kha lam kulhte cim thei hi.

5) Thu-um mite upna tawh khatveivei i awt khop zong thupi hi.

Lampi (Dal Lam Mang)
Logos Life

Tuni Pasian kammal (August 14, 2016)
Tuni LST sim: Joshua 5
Tuni Pasian kammal: Joshua 5:9

Then the Lord said to Joshua, “Today I have rolled away the reproach of Egypt from you.” So the place has been called Gilgal to this day. (NIV)
Tua ciangin TOPA in Joshua tungah, "Tuni-in note kiang panin Egypt minsiatna ka zialmang hi," a ci hi. Tua ahi ciangin tua mun tuni dongin Gilgal a kici hi. (DLM)

1) Joshua makaihna tawh Israel-te Jordan gun gal hong khahkhit ciangun Pasian tawh a kiciaptehna uh ahi vunatna hong nei uh hi. Tua panin Pasian in "Tuni-in note kiang panin Egypt minsiatna ka zialmang hi," ci-in Israel-te thupha pia hi.

2) Pasian ading i kibawlphatkik ciangin Egypt minsiatna ahi salsuahnate a man hong zialmangsak ding hi.

3) Pasian ading i kibawlphatkik ciangin Egypt minsiatna ahi maizumnate a man hong zialmangsak ding hi.

4) Pasian ading i kibawlphatkik ciangin Egypt minsiatna ahi guallelhnate a man hong zialmangsak ding hi.

5) Pasian ading i kibawlphatkik ciangin Egypt minsiatna ahi natna satna khempeuh a man hong zialmangsak ding hi.

Lampi (Dal Lam Mang)
Logos Life

Tuni Pasian kammal (August 13, 2016)
Tuni LST sim: Thuhilhkikna 4
Tuni Pasian kammal: Joshua 4:6-7

“...In the future, when your children ask you, ‘What do these stones mean?’ tell them that the flow of the Jordan was cut off before the ark of the covenant of the Lord. When it crossed the Jordan, the waters of the Jordan were cut off. These stones are to be a memorial to the people of Israel forever.” (NIV)
“Mailam hunah na tate un, ‘Hih suangte bang cihna ahi hiam?’ ci-a hong dot uh ciangin amaute tungah TOPA ’ thukhun singkuang mai-ah Jordan luanglai a kikhaktanna thu gen un. Tua in Jordan a kantan ciangin Jordan tuite kikhen hi. Hih suangte Israel mite adingin phawk tawntungna ahi hi," a ci hi. (ZIV)

1) Jordan gun gal ah a lamdang takin a galkahpih ahi Pasian a khang a khangin Israel-te in a phawkna dingun Jordan suangtumte puakhia ngiatin teci panna dingin koih uh hi.

2) Pasian a mangngilh baih pha diak mihingte i hi hi. Pasian i mangngilh hetlohna dingin nisimin kiphawksakna kisam hi. LST simna le thungetnate zong hipah hi.

3) Thuciam lui hun lai in Israel-te in suangtumte tawh Pasian phawkna na nei hi. Thuciam thak hong tun ciangin Suangtum ahi Christ in a si bua in a sa balnenin kei hong phawk tawntung un na ci hi (1Cor 10:4; 11:24)

4) Pasian i mangngilh theihtheihna dingin Federal kumpite (gambup kipawlna) in Pasian vai tuamtuamte hong hawlkhiatsakta uh hi. Pasian i mangngilh theihtheihna dingin State kumpite in Pasian phawkna thukham suangpite hong hepkhiatsakta uh hi.

5) Kuate in bangteng a banbanin hong hemkhia lai tam? Nang ee bang teng na phal lai tam?

Lampi (Dal Lam Mang)
Logos Life

Tuni Pasian kammal (August 12, 2016)
Tuni LST sim: Thuhilhkikna 3
Tuni Pasian kammal: Joshua 3:13

“And as soon as the priests who carry the ark of the Lord —the Lord of all the earth—set foot in the Jordan, its waters flowing downstream will be cut off and stand up in a heap.” (NIV)
“Leitung khempeuh Topa ahi TOPA ’ singkuang a pua siampite a khe uh le Jordan tui a kisukkhak phetin tui a luangsuk kimlai kikhenin vum venvanin a kiciang ding hi," a ci hi. (ZIV)

1) Jordan gun a khan mahmah laitakin Israel mite in tua gun a kantan theihna ding siampite in thukham singkung pua in mipite mai ah hong pai uha a khe uh le tua Jordan tui a kisuk khak lian leh tuikhang Jordan khawl vitvet hi.

2) Tu hun ciangin thukham singkung om nawnlo-a a pua siampite zong om nawnlo hi. A hi zongin Pasian kammal mah ahi Lai Siangtho i nei a, tua Pasian kammal a pulak siate/siamate i nei hi.

3) Canaan gam luah theihna dingin hong dal tuikhang Jordan i kantan theihna dingin Pasian thu/kammal kisam gige hi.

4) Tua Pasian kammalte in i nuntakna ah gualzawhna hong pia ahi hi. Politics, business le a tuamtuamte i sepna ah lawhcinna man taktak hong pia pen Pasian kammal ahi hi.

5) Hih Pasian kammalte ngawng-awh bangin awk in sun le zanin pulaklak ding, bil tawh zakzak ding, mit tawh muhmuh ding ahi hi.

Lampi (Dal Lam Mang)
Logos Life

Tuni Pasian kammal (August 11, 2016)
Tuni LST sim: Thuhilhkikna 2
Tuni Pasian kammal: Joshua 2:3

So the king of Jericho sent this message to Rahab: “Bring out the men who came to you and entered your house, because they have come to spy out the whole land.” (NIV)
Tua ciangin Jericho kumpipa in Rahab tungah, "Na inn ah hong pai-a hong tung mite gambup thu a kansim dinga hong pai ahi manin hong paikhiatpih in," ci-in thu a zasak hi. (ZIV)

1) Jericho khuapi a lak theihna dingun Joshua in thukan nih va en simsak hi. Tua thukan nihte Jericho khuami ten a thahlohna dingin tua khuami Rahab a kici nu in a inn ah kemsim hi. Rahab in tua thukan mi nihte a piakkhiat dingin Jericho kumpipa in thupia hi. Ahi zongin Rahab in tua thukante a tawp dong hoihtak kemin suaktasak hi.

2) Jericho cih pen leitung a gennopna bang hi-a a sawtlo in Pasian in Jericho ahi hih leitung pen annlak bangin hong la ding hi. Eite pen hih leitung ah i om laitakin i inn sung ahi i nuntakna ah Pasian thu a kemte i hi hi. Tua Pasian thute i taisatna dingin leitung in lam tuamtuam tawnin thu hong pia ding hi. Ahi zongin eite in tua gupkhiatna thu taisan hetlo in hangsan takin i kep pai suak ding thupi mahmah hi.

Lampi (Dal Lam Mang)
Logos Life

Tuni Pasian kammal (August 10, 2016)
Tuni LST sim: Thuhilhkikna 1
Tuni Pasian kammal: Joshua 1:3

“I will give you every place where you set your foot, as I promised Moses.” (NIV)
“Moses tunga ka ciamsa bangin na siikna mun peuhpeuh nang kong pia ding hi.” (ZIV)

1) Joshua makaihna nuai ah Pasian in Israel-te a ompih dan pen "SIKNA munmun pia ding" cih ahi hi. "Sik" cih ciangin upna tawh kalsuankhiatna le sepkhiatnate ahi hi.

2) Pasian in Joshua le Israel-te Canaan gam pia nuam hi. Ahi zongin Israel-te in tua gam luah dingin vakuankhia kei leh Canaan gam luah theilo ding uh hi. Galzo nuam in galdo noploh zong a lem theilo ahi hi.

3) Tua ahih manin Pasian muan ciang bek hilo in Pasian min tawh sepkhiat le kalsuankhiat thupi mahmah hi.

Lampi (Dal Lam Mang)
Logos Life

Tuni Pasian kammal (August 9, 2016)
Tuni LST sim: Thuhilhkikna 34
Tuni Pasian kammal: Thuhilhkikna 34:9

“Now Joshua son of Nun was filled with the spirit of wisdom because Moses had laid his hands on him. So the Israelites listened to him and did what the Lord had commanded Moses.” (NIV)
“Tu-in Moses in Nun’ tapa Joshua tungah a khut nga khin ahi manin amah pilna kha tawh a kidim hi. Tua ahi ciangin Israel-te in ama thu ngai uh a, Moses tunga TOPA thupiaksate a sem uh hi.” (ZIV)

1) Moses i a nesep thupi mahmahte lakah ama zalaih ding a koih pen thupi mahmah hi.

2) Ama nungsangah makai hoihtak a sep theihna dingin Moses in Joshua tungah khutnga in thupha pia hi.

3) Moses in hoihtakin thupha pia ahih manin Joshua zong makaih pilna tawh kidim hi ci hi.

4) Makai masate le makai nung thuapte kikal ah cidamna hong om ciangin makaite le mipite mahin phattuamna ngah pah uh hi.

5) Hih thu pen thungetna ah zong phawk huai mahmah hi.

Lampi (Dal Lam Mang)
Logos Life

Tuni Pasian kammal (August 7, 2016)
Tuni LST sim: Thuhilhkikna 32
Tuni Pasian kammal: Thuhilhkikna 32:31

“For their rock is not like our Rock, as even our enemies concede.” (NIV)
“Ahang in, i galte nangawn in a theih mah bangun amau’ suangpi le ei Suangpi a kibang kei hi.”(ZIV)

1) Suangpi citciat eite belh tua Suangpi in Khang Suangpi ahi hi (Isa 26:4).

2) Pasian citciat eite biak tua Pasian in sihna pan a thokik Pasian ahi hi (Mat 28:6; 1Cor 15:4).

3) Dahna a nei citciat eite dahna in lametna neilote dahna bang hilo hi. (1Thess 4:13).

4) Upna a nei citciat eite upna in tawntung nuntakna ngah theihna ding upna ahi hi (Jn 3:15).

5) Nuntakna a nei citciat eite nuntakna in mite adingin khuavak bang nuntakna ahi hi (Mat 5:14).

Lampi (Dal Lam Mang)
Logos Life

Tuni Pasian kammal (August 5, 2016)
Tuni LST sim: Thuhilhkikna 30
Tuni Pasian kammal: Thuhilhkikna 30:6

“The Lord your God will circumcise your hearts and the hearts of your descendants, so that you may love him with all your heart and with all your soul, and live.” (NIV)
“TOPA note Pasian na lungsim khempeuh uh le na hinna khempeuh un it thei a, na nuntak nadingun note le na suante uh lungsim vun hong atsak ding hi.” (ZIV)

1) Muh theih a pua lam vunatna tawh Pasian in Israel-te na ciamteh hi. Ahi zongin lungsim vunatna neilo uh ahih manun vunat loh mah tawh hong kibang zel hi. Tua ahih manin Pasian in a lungsim vunte a at dinguh thupia hi (Thuhilhkikna 10:16)

2) Tua bangin lungsim vunatna pen Kha Siangtho in hong atsak ahi hi (Rom 2:29). Kha Siangtho in lungsim vun hong atsak ciangin Pasian mi hihnate gamtatkhiatna tawh hong kilanghkhiata hi. Tua in Pasian deih lungsim vunatna ahi hi.

Lampi (Dal Lam Mang)
Logos Life

Tuni Pasian kammal (August 4, 2016)
Tuni LST sim: Thuhilhkikna 29
Tuni Pasian kammal: Thuhilhkikna 29:5

“Yet the Lord says, “During the forty years that I led you through the wilderness, your clothes did not wear out, nor did the sandals on your feet.” (NIV)
“Sehnel gam sunga kong makaih kum sawmli sungin na puansilh uh patkhia lo-a, na khedap kaihte uh zong a sia kei hi.” (ZIV)

1) Sehnel gam sungah Israel-te in a puansilhte uh le a khedapte kum sawmli sung siatlo in khom hi.

2) Eite zong nikten puansilh ding khantawn in Pasian in hong sik hi.

3) Eite zong i pumpi nate khantawn i khom dingin Pasian in hong kem hi.

4) Eite zong i kha nuntakna tawntung dongah i khom dingin Pasian in hong kem hi.

Lampi (Dal Lam Mang)
Logos Life

Tuni Pasian kammal (August 3, 2016)
Tuni LST sim: Thuhilhkikna 28
Tuni Pasian kammal: Thuhilhkikna 28:6

“You will be blessed when you come in and blessed when you go out.” (NIV)
“Na sungtum ciangin thupha hong kipia dinga na pusuah ciangin thupha hong kipia ding hi.” (ZIV)

1) Pasian thupiak panin piallo in ama thupiakte limtak a zuite a sungtum uh ciangin thupha kipia dinga a pusuah ciangun zong thupha kipia ding hi.

2) Pasian thupiak panin piallo in ama thupiakte limtak a zuite amau kiangah a sungtumte in man nei hi dinga a mau panin a paihkhiat a zekkhiatte in zong man nei mah hi veve ding hi.

3) Pasian thupiak panin piallo in ama thupiakte limtak a zuite gam sung gam pua ah thupha sang dinga, khuapi le khuaneute bang mun bang mun ah sungtumin pusuakta leh thupha a sang veve dinguh hi.

Lampi (Dal Lam Mang)
Logos Life

Tuni Pasian kammal (August 2, 2016)
Tuni LST sim: Thuhilhkikna 27
Tuni Pasian kammal: Thuhilhkikna 27:7

“Sacrifice fellowship offerings there, eating them and rejoicing in the presence of the Lord your God.” (NIV)
“Tua munah kilawmtakna biaknate a bawl unla, tuate ne in TOPA note Pasian omna ah nuamsa un.” (ZIV)

1) Israel-te ngeina ah biakpiakna nam tuamtuam tampi nei uh hi. Tua biakpiaknate lakah kilawmtatna biakna (fellowship offering) zong kihel hi.

2) Hih kilawmtatna biakna pen daihna biakpiakna (peace offering) zong kici hi.

3) Israel-te in biakpiakna a piak ciangun a sa a neek theihuh pen hih kilawmtatna biakna nam ahi hi.

4)  Kilawmtatna biaknate pia in Pasian tawh kilawmtatna neih ding leh thu-ummite khat le khat kikal ah kilawmtatna neih ding Pasian deih ahi hi.

Lampi (Dal Lam Mang)
Logos Life

Tuni Pasian kammal (August 1, 2016)
Tuni LST sim: Thuhilhkikna 26
Tuni Pasian kammal: Thuhilhkikna 26:4

“The priest shall take the basket from your hands and set it down in front of the altar of the Lord your God.” (NIV)
“Siampipa in na khut panun a lawh hong sang dinga TOPA note Pasian biakna-tau mai-ah a ngasuk ding hi.” (ZIV)

1) Anpal piak ding thupi takin LST in na gen hi.

2) Anpal piak ciangin Pasian sehsakna (biakinn) ah piak ngiat ding mah thupi hi (V2).

3) Anpal piak ciangin i piakte khut tungah piak ngiat ding zong thupi mahmah hi (V4).

Lampi (Dal Lam Mang)
Logos Life